Wajeb iman dum geutanyoe

Bismillahirahmannirrahim

Wajeb iman dum geutanyoe akan Nabi,

Wajeb pateh peu nyang neukhen uleh Nabi.

Betapateh nyang goh datang Neupeuhaba

Misee mawot nyang that saket taperasa

Miseu Neupegah azeb kubu di sikaphe,

Ureng maksiet nyan tan taubat mate jahee

Ureng mukmin nebri nekmat dalam kubu,

Nekmat syuruga Tuhan buka kenan laju

Betapateh uroe kiamat dudoe teuka,

Nyagkeuh uroe kesudahan haroe-hara.

Buleen uroe pih gurahna bintang mehambo,

Langet melinggang bumoe menguncang

mehambo- hamboe

Suroh Tuhan Israfi yob sangkakala,

Habeh mate bandum sare saffan-saffa.

Habe mate bandum sare malingkan Tuhan,

Langet bumoe kon le menoe ka neusimpan.

Na peutploh thon nyang menan nyan saffa- saffa.

Teuma turoen ujeuen puteh maulhaiya.

Habeh timoh bandum tuboh ka teduek-duek,

Pakaian tan bandum teulhon bineh uruek

Teuma neuyub sangkakala le Israfil,

Mewoe nyawong bak seut teuma tan le mate

Teuma geron ka geu himpon u Padang Masyha,

Dum na rakyat ka Geuhisab geupareksa

Oh mehimpon dum na rakyat geujok surat,

Teuma nyang cok wie ngen uneun reuh ban babat.

Teuma Nyang cok ngen jaroe neun meubahgia,

Teuma Nyang cok ngen jaroe wie ka celaka

Tema Geuceng (timang) dum na ‘amai lam neraca,

Get dengen jahet phui dengan geuhon sinan nyata.

Nyang geuhon ‘amai kebajikan lam syeruga,

Nyang phui paloe dum gepasoe lam nuraka.

Tema tajak ateu titi siratalmustakim,

Haloh pih that geupeduk ateuh nuraka jahim.

Panyang titi saboh riwayat lhee ribee thon,

Taek tajak ateeh pucak dengon tatron

Titi haloh lagi tajam nibak pedeeng,

Dum na haloh sidom putohoh melinteeng.

Teuma nyang jak ateeh titi le ban babat, 

Karonya ALLAH ladom pantah na ban kilat

Ladom pantah na dum bagah angen bawa,

Ladom teuma na ban guda gepoh lawa.

Teuma ladoem ban ureng plueng nyang that lanja,

Ladom teuma pantah bacut han that lanja

Ladum bedeuh me’ei- me’ei meusek- meusek,

Meuhila-hila lam nuraka ka teusirek.

Nyang seulamat ateeh titi jemerang

(menyebrang) pih troh,

Bak Hud Nabi Krueng Kalkausa sinan piyoh

Bineh krueng nyan kande pih le na ban bintang,

Asoe mehat dum seb sidroe han peu riwang.

Nyang jeb ie nyan deuk pih han le grah pih han le,

Karonya hak hoe nyang galak kenan neubri

Lheuh nyan teuma ureng mukmin tamong syeruga,

Suntok sabe teubiet han le ruek-ruek masa

Kekal sinan cit hana had hana hingga,

Dalam nikmat suntok mangat catirasa

Ngon boh kaye cit metentee rasa le ban,

Soe nyang pajoh pruet han sengkoh lam sukaan.

Suntok kayem lam teukhem-khem hate mangat,

Ngon makanan dan minuman lazat-lazat

Tuha han le saket han le ruek-ruek masa,

‘Umu sadum saban-saban muda belia.

Di sikaphe dum tegule lam nuraka,

Tetap sinan jeut tebiet han ruek-ruek masa

Padum ‘adeeb uroe malam hana teudoh,

Ke makanan boh zakom nyan nyang jipajoh.

Boh zakom nyan tutong pih that tajam ban duroe,

Soe nyang pajoh hangoh tuboh apui sinaroe.

Ureung mukmin umat nabi yang medesya ,

Nyan tan taubat nyan pih geutot lam nuraka.

Kira-kira ube na desya dum nan getot,

Han jilala apui nuraka bak han patot

Ladom tutong meng oh gaki oh nan saja,

Ladom beuteh ladom habeh ladom ‘oh pha.

Ladom tutong meng ‘oh takue ‘ella dada,

Tema ladom habeh bandum 'ella muka.

Sicut-cut ‘adeeb page ngon lon pegah,

Kawoh apui nibak gaki bandua blah.

Tuleeng urat asoe utak bandum rele,

Tema geboh ban sot tema ‘adeeb sabe.

Padum na trep nyan ‘adeeb lam nuraka,

Lheeh nyan tema gaseh Tuhan nekelua.

Karonya Tuhan nepetebiet ureung mukmin,

Yoh lam donya iman jiba dengon yakin.

Lom syufa’at saidil Nabi kita,

Nyang umat dum ban sinaroe nekelua.

Tieb-tieb ureung nyang na iman yoh lam dunya,

Walau maksiet nepeutbiet lam nuraka.

Nyang yakin dalam hate Tuhan sidroe,

Koeng ‘etikeet hana murtad wahai adoe.

Dengon iman dalam hate akan Nabi,

Jih gepenan wahe taulan mokmin ‘asi.

Beu ta iman wahe nyak cut dngon cut da,

Roe cit keubit nyang geupegah taperasa

Beu taingat wahe sahbat rakan duem na,

Suroeh tegah bek ta bantah tapecaya.

Sembahyang limong bek ta tinggai betajaga,

Ban gepegah dhoe takekah bak musalla.

*riwayat Tgk. Krueng kale