PEU ARTI SARJANA.?

ranup silaseh pucok meuputi

ateuh bak giri duek cicem pala

tamat kuliah perguruan tinggi

ngen gelar ahli geukheun sarjana

kisah sarjana bacut lon rawi

bah pih lon pribadi meurumpok hana

kampus unsyiah berlabel negri

teuma serambi label swasta

dua kampus nyan meugah ngen tari

dum putra-putri kejar sarjana

kana sarjana gelar terbukti

abu ngen umi senang lagoina


lamar di gob nyan pegawai negri

yg lewat hai mi cit kana nama

nyoe keuh saboh piasan lam neugri

Yang jok peng kupi gampang that kerja

yang hana yah cut dengon apa li

beudoh mengabdi sampoe an tuha

na yg ladom bak PT geu uji

geu harap gaji keu peng beulanja

Toke ka bangkrot plueng u bali

tinggai lah gaji soe bayeu hana

laen yg kaya sambong kembali

keudeh bak UI jak cok S dua

teuma yang ladom aneuk petani

abu ngen umi meu keudroe hana

beudoh digata duek dalam sunyi

pikee kembali pakiban cara??

menyoe yg dara na rupa tari

tentee suami ureung na krja

teuma yg agam bek patah hati

sadeup ngen guni jak mengembala

menyoe han ek nyan meukat le kupi

tambah ekonomi bak jual pulsa

Nanggroe ka canggih ngen teknologi
Lewat Blackberry meukat peu yang na

umu ka tuha ijazah ka mati

hana le arti gelar sarjana

lewat cae nyoe Ceksin unjuk diri
Ngen maksud hati keu gura-gura

Teuma diakhe cek pamit diri
Mari sadari arti sarjana
Bak laen watee Ceksin kembali
Dengon diskusi tema berbeda