Keu mandum nektu seureta abuwa
Hikayat pliek u cek coba bri su
Ka jareung taeu jinoe ka langka
Masa jinoe nanggroe ka maju
Barat Timu gob kheun ka kaya
Peugah haba peng yang meusu
Adak pula pieungku tetap cit kaya
Jameun dilee kaya ngen bak U
meusen "geunuku" rata rumoh na
Menan cit minyeuk keu bahan dapu
Laju peubroek U le mak sidara
Meuribe-ribee kageu angkot u
Di asoe boh u cungkee ju sigra
Teuma yang ladom pakek geunuku
Oh kabroek asoe u tipek lam tika
Bak mata uroe adee ju pliek u
Ka itam taku di mak sidara
Dalam uroe kha geucok minyeuk u
Geuramah plik u geuraba-raba
Teuma yang kathoe mantong minyeuk u
Dalam "klah" laju pasoe segera
Baloet ngen "situk" bek rho minyeuk u
Lam "penerah" laju pliek u geu hila
Seunang that hate kana minyeuk u
Keu bahan dapu hemat belanja
Peumasak siat di ateuh apui
Beureusen Teungku keunong aroma
Yang kajeut keu pliek peuguna laju
Keu asam pliek u lam kuah pih na
Mangat sileupah si nicah pliek u
Meujungkat iku soe yang na rasa
Meumada oh no hikayat pliek u
Peninggal endatu jinoe ka langka
Junjong budaya barat ngen timu
Bek gadoh tiru budaya luwa
Lam tingkah laku lon karang haba
Menyoe na salah peumeuah laju
Tulong neu bantu kamoe pemula.
Posted by: Ceksin
bersama waklah
Note:
"Geunuku - alat manual jaman dulu untuk parut kelapa"
"Klah - wadah penampung pliek u yang terbuat dari rotan"
"Situk - pelepah pinang sebagai wadah penampung minyak yang menetes dari klah agar turun ke wadah selanjutnya agar tidak tumpah"
"Peunerah - alat pemeras yang terbuat dari kayu, yang berfungsi menjepit/pres"
Tidak ada komentar:
Posting Komentar