Bacut lon kisah kue boh roem-roem
teuka puasa teuingat diloen
kueh boh roem² buleun puasa
kueh geupeugoet cit dr teupoeng
didlm langsong geu pasoe gula
leupah that mudah peugoet boh roem²
asai na teupong meulisan gula
boh U yg pateun taku ta ayoen
lawok ju teupong reuboh ju sigra
yoh goh geu reuboh geubuliet teupong
lam ruhung langsong geupasoe gula
jeut cit meulisan lamtadok gampong
sideh gampong lon lagee nyan cara
di Aceh rayeuk gula meu tong-tong
bak jok meususon tan payah pula
ditimoh keudroe lam uteun rabon
sinoe gampong lon pih na meubanja
aneuk miet galak geu phek² teupong
geubuliet lam oen seureta poma
boh roem ka masak cit tutong-tutong
geulawok langsong boh U ngen saka
uloen teu ingat yoh ubeut diloen
pajoh boh roem² han ek lon saba
ka tutong lidah alah hai poe lon
umu lon 3 thoen goh lom puasa
tp lawet nyoe wahee rakan lon
kueh boh roem² jinoe ka langka
dum awak jinoe luwat boh roem²
mkanan nengpong cit gaul hana
di Aceh rayeuk tempat lahee lon
bak jok meususoen jinoe ka langka
ka jareung that na kueh boh roem²
ujong bak ujong punah ban dua
sideh gurutee jalan meu ek treun
batee meususon babah kuala
pakon keuh meunoe aceh rayeuk lon?
peu keuh nyoe hukom(Allah) Rahmat tan le na.
Tidak ada komentar:
Posting Komentar