"Aceh Rayeuk kaya wisata"
Assalamu'alaikum lon ucap ngen babah
Keu rakan meutuah lam donya maya
dlm blog nyoe uloen meulangkah
Cit hana salah yasien na nama
Aceh Rayeuk cukop that indah
Dan lagi meugah kaya wisata
Di dlm cae bacut lon peugah
Nyoe neu tem tamah hatee gembira
yg pertama phoen gunong seulawah
di gaki meugah ie seum nama
na daerah nyan pasir putih meugah
lg ngen indah ngen panorama
yoh goh lom troh siat ta singgah
tempat yg meugah sinan krueng raya
malahayati kapai disinggah
dalam sejarah yoh dilee masa
lam perjalanan han peu lon peugah
jelas that leumah pantai wisata
ngen indrapatra sinan cit leumah
masa penjajah yoh cok merdeka
di Indrapuri krueng jreu lon peugah
dan lagi indah waduk lam desa
di samahani ie terjun tujoh blah
dengoe gob peugah lon tupat hana
teuma di jantho pusat pemerintah
cagar alam indah cukop sempurna
lon dengoe jinoe pemerintah neu pinah
hana masalah yg penteng rakyat tetap bersama
teuma di Sibreh bek tuwoe langkah
sinan that indah ngen taman rusa
tamong u dlm cit hana susah
buet pemerintah jalan ka sempurna
mukim Biluy han towoe lon peugah
Ie terjun meugah yoh dilee masa
teuma jinoe hai rakan meutuah
tempat indah nyan cit tinggai nama
lewat Lamkunyet gaki lon langkah
mata ie leupah gampong tentara
sinan dum kolam badan peureubah
leupi ngen indah sijuk lagoina
jalan lom tanyoe u lhoknga leupah
lampuuk singgah bak babah dua
dum muda-mudi minggu ka leupah
pante yg indah maksit that teuga
ka hanjeut lon duek laju lon pinah
keudeh lom leupah u peukan bada
u ujong pancu sidroe lon langkah
gunong meuculah lam laoet raya
ngen pulo aceh tamah lom indah
sayang that leupah lon teuka hana
lhok mata ie lom pernah gob peugah
sinan that indah uloen jak hana
kakeuh cok honda laju teugom gah
u lhong leupah laju neu teuka
ie terjun hinan an jinoe meugah
dum ureung leupah geujak wisata
teuma Oh tawoe leupung ta singgah
pemandian indah brayeun nama
di bineh jalan cit na saboh bhah
eungkoet masen teuplah laju belanja
kakeuh meunoe haba lon peugah
panyang that leupah menyoe cerita
teuma yg baca bek tuwoe balah
dukung daerah tujuan wisata
Akhe narit lon kadang na salah
teuma cit meuah lon lakee sigra
menyoe na kureung beu neutem tamah
dan Insyallah uloen preh haba
*penulis: yasien
Tidak ada komentar:
Posting Komentar