rindu keu nanggroe

Nanggroe Aceh nyoe indah bukon le
laot dengon glee luwah lagoina
hatee nyoe rindu aceh nyang dilee
aceh nyang damee aman sejahtera

Rindu pemimpin raja nyang ade
nyang duek seumikee keu rakyat dumna
rindu pemimpin nyang jroh ilmee
angen ngen batee sabee setia

Rindu keu kaum nyang suci-suci
perintah Rabbi geutem keurija
hatee didada amanah Rabbi
batin nyang suci tuboh mulia

Rindu pemuda akhlak nyang tinggi
ajaran Nabi sabee lam dada
hukom agama geutem peuduli
aceh nyang suci sabee geu jaga

Rindu keu Poma ka dengon Ayah
aneuk geupapah jalan agama
tajak meurunoe aneuk meutuah
seulamat langkah tamong syiruga

Rindu keu nanggroe aceh meutuah
Makmu beu bagah rakyat ubena
Bek le ya Allah neubri musibah
Bek hudep gundah kawom sidumna