Boh kumudee tabloe ngen meuh
Boh aneuh tabloe ngen pade
Tajak beutroh tangieng beudeuh
Bek rugoe meuh saket hate
=======================================
Pepatah ureung tuha
Hai saudara ta ingat sabee
Keu pedoman hudep lam donya
Mangat supaya bek tapeuse
Le ta kalon lam rumoh tangga
Meuprasangka jimeuen hate
Bak akibat cemburu buta
Goh lom nyata inong kata cre
Bek tapateh gob jak peusuna
Ngen saudara tatem meupake
Tateumanyong tapareksa
Salah ngen benar pasti lahe
Ladom karu di ureung gampong
Tan le rukon ka hana get le
Bak peuteupat pageu jurong
Beungeh kaom lam dawa sabe
Ngen tetangga hudep meutoe-toe
Karap tiep uroe geutem meupake
Peusalah poe jeh peusalah poe nyoe
Teulah dudoe hana meuhase
Nachit ladom karu dalam blang
Ka geumeuprang bak pula pade
Gara-gara ie dalam blang
Maen parang geutem bloe mate
Tanyoe mandum peuneujeut Tuhan
Pasti taulan tarasa mate
Tameulakee hudep beu aman
Mangat tenang di uroe akhe
create: Ceksin
Tidak ada komentar:
Posting Komentar