Haba pilkada bacut lon peugah
duaribee tujohblah pih karap teuka
takalon jinoe ka mulai leumah
dum wajah-wajah pemimpin bangsa
mulai geu peuhoen geupeudeuh wajah
lagi meutuah takalon rupa
di ateuh ulee pih kana kupiyah
ngen modal olah ikot pilkada
Nyang ka tapileh zaini ngen manah
Toh faedah nyang kata rasa
nyang na cit nyata geu peugot ulah
Sang-sang neuk reupah nanggroe mulia
kon uloen peu brok Teungku meutuah
lagee nyan leumah ta kalon nyata
sama keudroe-droe geutem meutingkah
ka pecah belah bak pimpin bangsa
lam koran pih na tabaca leumah
Oleh pemerintah cukop that gura
Teupeu le tanyoe puasa buleun berkah
Nanggroe syariah marwah ta jaga
Di gampong cina peunayong geupeugah
Warong bu teuhah buleun puasa
Kaphe minoritas katan le susah
Oleh pemerintah geupeu merdeka
Beudoh di islam polisi syariah
Geu jaga gagah cina tan puasa
Geu jaga muslim bek troh geu langkah
Jak bloe bu kulah nyang hana puasa
Lucu hai rakan teukhem meuhah-hah
Poe pemerintah meusandiwara
Nanggroe ata tanyoe serambi mekkah
Cina meutuah cit numpang saja
Jinoe islam sang karap bicah
Nyoe pemerintah lagee nyoe cara
Mayoritas islam katan le leumah
Cina geupapah geu peu mulia
ala homkeuh poe pemerintah
Sijuta neu peugah lam sioen KK
Jinoe pat tacok tgk meutuah
neu peuget ulah bak pimpin bangsa
Pilkada ukeu kiban ek jelah.?
bek sampe sosah rakyat celaka
saingan suara sang cukop panas
nanggroe can bicah meuprang saudara
harap keu langai watee meugoe blang
harap keu rangkang oh meuboh pade
geu harap rakyat oh pemilihan
lheuh nyan di rakan tan le geuniet na
Tidak ada komentar:
Posting Komentar